ჩვენი მაღალკვალიფიციური სპეციალისტთა გუნდი უზრუნველყოფს მრავალ სერვისს ჯანმრთელობის საკითხების ფართო სპექტრის მოსაგვარებლად.
როგორც პირველი რეგენერაციული მედიცინის კლინიკა საქართველოში, პაციენტებს ჩვენ ვთავაზობთ მკურნალობის ყველაზე ინოვაციურ მეთოდებს. ვიმედოვნებთ, რომ რეგენერაციული თერაპიის მეშვეობით ჩვენ შევძლებთ აღვადგინოთ ის ფუნქციები, რომელთა სრული განკურნვა ტრადიციულ მედიცინას არ შეუძლია.
დღიდან გახსნისა, ჩვენ დავეხმარეთ უამრავ პაციენტს დაბრუნებოდნენ აქტიურ ცხოვრებას. რეგმედი ჯორჯია აგრძელებს ზრდას და ახლახან დავამატეთ პარტნიორობა პროფესიონალ დიეტოლოგთან. ეს ინტეგრირებული მოდელი საშუალებას იძლევა მთელ სამკურნალო პროცესში იყოს დამატებითი სარეაბილიტაციო მხარდამჭერი.
ჩვენი კლინიკა განლაგებულია მომხიბვლელ შენობაში და აღჭურვილია ამერიკიდან ჩამოტანილი სამედიცინო ტექნოლოგიით. სამკურნალო ოთახები არის კომფორტული და საერთო სივრცე განკუთვნილია დასვენებისა და გაჯანსაღებისთვის. პაციენტებს აქვთ წვდომა სარეაბილიტაციო ზონაზე თუ ფიზიოთერაპია მათი მკურნალობის ნაწილია.
ჩვენი დაწესებულება მიზანდასახულად იყო შექმნილი კომფორტის და გამოჯანსაღებისთვის. გამოცდილი გუნდით, კონტაქტით ჩვენს ამერიკელ კოლეგებთან და დამხმარე გარემოთი, ჩვენ მაქსიმალურად ვცდილობთ გავზარდოთ სამკურნალო შედეგები რეგენერაციული მედიცინის საშუალებით.
მსოფლიო რუკაზე საქართველო დამკვიდრდა, როგორც ლიდერი მოწინავე სამედიცინო მკურნალობებით. ამ მიღწევებს შორის გამოირჩევა რეგენერაციული მედიცინა, რომელიც გთავაზობთ მრავალფეროვან და პოტენციურად სიცოცხლის გადამრჩენ თერაპიას ფართო სპექტრის პათოლოგიებისთვის. კლინიკა RegMed Georgia ინოვაციური მიდგომის მეშვეობით სთავაზობს დამაჯერებელ არჩევანს მათ, ვინც ამოწურა ტრადიციული მედიცინის პოტენციალი.
RegMed Georgia წარმოგიდგენთ რეგენერაციული მკურნალობის ფართო სპექტრს, რომელიც აკმაყოფილებს სხვადასხვა საჭიროებებს. ტკივილებისა და ქსოვილების სტრუქტურული ნორმალიზაციისთვის პაციენტებს შეუძლიათ იპოვონ პერსონალიზებული მიდგომა სხვადასხვა რეგენერაციული აგენტებითა და ინოვაციური ტექნოლოგიებით.
განურჩევლად იმისა ებრძვით სახსრების ქრონიკულ ტკივილს, ცდილობთ გამოჯანმრთელდეთ დაზიანებებისგან, ნევროლოგიური ან სხვა პრობლემებისგან, რეგემედ ჯორჯია გთავაზობთ არჩევანს.
ტრადიციული მკურნალობისგან განსხვავებით, რეგენერაციული მედიცინა ხაზს უსვამს პერსონალიზებულ მიდგომას. RegMed Georgia პრიორიტეტს ანიჭებს საფუძვლიან კონსულტაციებს და სიღრმისეულ შეფასებებს, რათა გაიგოს თითოეული პაციენტის უნიკალური საჭიროებები და შეიმუშაოს ინდივიდუალური მკურნალობის გეგმები, რომელიც ხელს შეუწყობს თერაპიის უკეთეს შედეგებს და ჰოლისტიკურ სამკურნალო გამოცდილებას.
სხვა ქვეყნების კლინიკებთან შედარებით, RegMed Georgia ამაყობს უნიკალური უპირატესობით: ხელმისაწვდომობა, სინერგიული მიდგომა, თერაპიული არჩევანი და აპლიკაციების ფართო სპექტრი - განუკურნავი სნეულებების მკურნალობიდან ესთეტიკურ გაახალგაზრდავებამდე.
აშკარაა რეგმედ ჯორჯიას პასუხისმგებლობა კვლევისა და განვითარების მიმართ რეგენერაციული მედიცინის სფეროში. მსოფლიოს მასშტაბით კონფერენციებზე დასწრება და უნივერსიტეტებთან თანამშრომლობა განაპირობებს ინოვაციას და საშუალებას აძლევს ამ თერაპიების ახალ აპლიკაციებს. პროგრესისადმი ეს ერთგულება არწმუნებს პაციენტებს, რომ ისინი იღებენ მკურნალობას, რომელიც დაფუძნებულია უახლეს კვლევებსა და სამეცნიერო მიღწევებზე.
საქართველო გთავაზობთ უნიკალურ გამოცდილებას თვალწარმტაცი პეიზაჟებით, ისტორიული ადგილებით და უგემრიელესი სამზარეულოთი სამედიცინო ტურიზმთან ერთად.
მეღვინეობა საქართველოში 8000 წელზე მეტი ხნის წინ დაიწყო, რისთვისაც ქვეყანა ღვინის აკვნად იწოდება. ეს მიწა განთქმული იყო ოქროს მოპოვებით, ამიტომ არგონავტები (ძველი ბერძნები) საქართველოში 3500 წლის წინ მოვიდნენ ოქროს საწმისისთვის. აქ თქვენ შეგიძლიათ შეეხოთ ისტორიას: მე-5 საუკუნეში აშენებული ეკლესიები, მე-9 საუკუნეში აღმართული ციხე-სიმაგრეები და 27 საუკუნის წინ კლდის პირას ამოკვეთილი ქალაქები, მოიხიბლოთ მსოფლიოს ყველაზე ღრმა გამოქვაბულებით და ევროპის უმაღლესი მთებით. გაოცდეთ უნიკალური ქართული ქორეოგრაფიით და პოლიფონიით.
ყველა ამ მიზეზის გამო National Geographic მუდმივად ასახელებს საქართველოს, როგორც ტოპ ტურისტულ მიმართულებას.
მრავალფეროვანი მკურნალობის ვარიანტებით, მოწინავე ტექნოლოგიით, პერსონალიზებული ზრუნვით და ხელმისაწვდომობით, RegMed Georgia წარმოადგენს დამაჯერებელ სიტყვას მათთვის, ვინც ეძებს შველას რეგენერაციულ მედიცინაში. ქვეყნის უსაფრთხოება, 98 ქვეყნისთვის უვიზო მიმოსვლა და უნიკალური კულტურული მემკვიდრეობა კიდევ უფრო აძლიერებს საქართველოს ლიდერის პოზიციას ამ სწრაფად განვითარებად სამედიცინო სფეროში.
ევროპისა და აზიის საზღვარზე მდებარე საქართველო ასევე ახლოსაა სპარსეთის ყურის ქვეყნებთან, რაც ამარტივებს მგზავრობას და ამცირებს ხარჯებს.
კლინიკა გთავაზობთ პაკეტს, რომელიც მოიცავს:
განთავსება
საუზმე
პირადი ტრანსპორტირების მომსახურება
გიდი და თარჯიმანი
მოგზაურობა საქართველოს ფარგლებში
რეგენერაციული მედიცინის ამერიკული ცენტრი საქართველოში - რეგმედ ჯორჯია - დაარსდა 2021 წელს თენგიზ ტყებუჩავას მიერ.
თენგიზ ტყებუჩავა, მედიცინის დოქტორი, საქართველოში რეგენერაციული მედიცინის ამერიკული ცენტრის დამფუძნებელი და დირექტორი. ამერიკაში სამედიცინო კომპანიის ბოსტონ ტრანსტეკის დამფუძნებელი და აღმასრულებელი დირექტორი.
მას აქვს მრავალწლიანი გამოცდილება გულ-სისხლძარღვთა ქირურგიაში, რეგენერაციული ბიოაგენტების კვლევაში/თერაპიაში, ასევე გამოცდილება ახალ პროექტებსა და სამედიცინო მოწყობილობების გამოგონებასა და განვითარებაში.
დაამთავრა საქართველოს თბილისის სახელმწიფო სამედიცინო უნივერსიტეტი წითელ დიპლომზე, მუშაობა გააგრძელა ბაკულევის სახელობის გულ-სისხლძარღვთა ქირურგიის ცენტრში და იქვე დაიცვა დისერტაცია. 1989 წელს მიიწვიეს შვეიცარიაში, სადაც კარიერა გააგრძელა მსოფლიო დონის კარდიოქირურგიის ცენტრებში ციურიხსა და ლონდონში. 1997 წელს გადავიდა ამერიკაში, სადაც მას მიენიჭა ამერიკის მოქალაქეობა, როგორც "განსაკუთრებული ნიჭით დაჯილდოებული უცხოელი".
პროფესორის თანამდებობაზე ყოფნისას ბოსტონში ტაფტსის უნივერსიტეტში ის აკეთებდა პრეზენტაციებსა და კითხულობდა ლექციებს ჰარვარდის და სხვა უნივერსიტეტებში. გამოგონილი და დაპატენტებული აქვს სხვადასხვა ტექნოლოგიები. მან აღწერა კარდიოქირურგიული ოპერაციები ბავშვებზე და მოზარდებზე სხვადასხვა თანდაყოლილი და შეძენილი გულ-სისხლძარღვთა პათოლოგიებით, ასევე აღწერა გულის ტრანსპლანტაციების ახალი ვარიანტები. ეს ქირურგიული ინოვაციები პრაქტიკაშია მსოფლიოს ჰოსპიტლებში.
ის იყო რეგენერაციული მედიცინის განვითარების ერთ-ერთი პიონერი, რომლის დროსაც მან გამოსცადა სხვადასხვა რეგენერაციული აგენტებისა და მათი კომბინაციების თერაპიული ეფექტი, გამოიკვლია მათი გულში შეყვანის ოპტიმალური გზები და ჩაატარა მრავალრიცხოვანი ექსპერიმენტული ოპერაცია. ის იყო წამყვანი სამედიცინო კომპანიების მრჩეველი/ექსპერტი, მათ შორის გიგანტების: Medtronic, Johnson & Johnson, Boston Scientific, General Electric და სხვა.
ის არის ფართო სპექტრის პუბლიკაციებისა და გამოგონებების ავტორი, ასევე მომხსენებელი სხვადასხვა ეროვნულ და საერთაშორისო კონფერენციებზე.
საქართველოში 90-იან წლებში სოციალურ-პოლიტიკური და ეკონომიკური კრიზისის დროს ის ინტენსიურად ეწეოდა საქველმოქმედო საქმიანობას. მის მიერ გაღებული სამედიცინო და სასურსათო დახმარებით საქართველოში გადარჩა უამრავი ადამიანი. ბ-ნ თენგიზის საქველმოქმედო საქმიანობა აღნიშნული იყო ამერიკულ კონგრესში, ხოლო მისი პიროვნების შესახებ, საზოგადოებისთვის გაწეული ქველმოქმედებისა და თანადგომისთვის, არაერთხელ გაჟღერდა რადიო "ამერიკის ხმის"ეთერში.
კარდიოქირურგი თენგიზ ტყებუჩავა 80-იანი წლებიდან მოღვაწეობდა უცხოეთში. ის ყოველთვის თვლიდა, რომ ქირურგიულ ჩარევას სჭირდება ალტერნატივა და ამიტომ რეგენერაციულ მედიცინას მრავალი წელი მიუძღვნა.
მას ღრმად სჯერა, რომ მისი ინოვაციები, მათ შორის აშშ-ში დაპატენტებული, დაეხმარება მსოფლიო მასშტაბით მილიონობით ადამიანს განიკურნონ აქამდე განუკურნებელ სნეულებებისგან.
საქართველოში მან თან ჩამოიტანა საერთაშორისო გამოცდილება, რეგენერაციული თერაპიის ახალი მიდგომა და ტექნოლოგიური გამოგონებები, რითაც დასაბამი მისცა ამ რევოლუციური დარგის დაარსებას და განვითარებას ჩვენს ქვეყანაში. ამით ის ცდილობს გააფართოვოს ხელმისაწვდომობა ამ რევოლუციური მედიცინისთვის.
ის დღესაც ინტენსიურ რეჟიმშია საქართველოსა და ამერიკას შორის, ესწრება ამერიკაში კონფერენციებსა და ვორკშოფებს, ხვდება თავის ამერიკელ კოლეგებს და განიხილავს მათთან ახალ თერაპიულ მიდგომებს.
კლინიკა „რეგმედ ჯორჯია“ დაარსდა თბილისში 2021 წელს და უკვე უამრავი პაციენტის ნდობა დაიმსახურა.
